Ихэнх нутгаар сэрүүснэ

Ус, цаг уур, орчны шинжилгээний газраас ирүүлсэн мэдээгээр өнөөдөр баруун, төв болон говийн нутгийн зарим газраар, маргааш төв болон говийн нутгийн зарим газраар, 24-нд зарим нутгаар, 25-нд нутгийн зүүн хагаст түр зуурын бороо орно. Дуу цахилгаантай. Салхи борооны өмнө түр зуур ширүүснэ.
22-нд нутгийн хойд хэсгээр, цаашдаа ихэнх нутгаар сэрүүсч Хангай, Хөвсгөл, Хэнтийн уулархаг нутгаар шөнөдөө 4-9 градус, өдөртөө 16-21 градус, говийн бүс нутгаар өдөртөө 27-32 градус дулаан байх юм байна. Бусад нутгаар шөнөдөө 10-15 градус, өдөртөө 23-28 градус дулаан байх ажээ.
Харин энэ сарын хоёрдугаар арав хоногийн төлвөөр баруун зүгийн нутгаар, хоёрдугаар арав хоногийн дунд үе, гуравдугаар арав хоногийн эхээр Алтай, Хангайн уулархаг нутгаар өдөртөө 15-20 градус дулаан байх юм байна.
Харин Төвийн нутгаар хоёрдугаар арав хоногийн дунд үе, гуравдугаар арав хоногийн эхээр сэрүүсч Хангай, Хөвсгөлийн уулархаг нутгаар шөнөдөө 3-8 градус дулаан ба гуравдугаар арав хоногийн эхээр уулархаг нутгаар хөрсний гадаргад хасах дөрвөн градус хүрч хүйтрэх ажээ.
Зүүн зүгийн нутгаар хоёрдугаар арав хоногийн дунд үе, гуравдугаар арав хоногийн эхээр Хэнтийн уулархаг нутгаар өдөртөө 16-21 градус дулаан, бусад нутгаар өдөртөө 21-26 градус дулаан байна. Говийн нутгаар мөн үед бага зэрэг сэрүүсч ихэнх нутгаар шөнөдөө 12-17, өдөртөө 24-29 градус дулаан байх аж.