Дэлхийн мөрөөдлийн гүнжээр Монгол бүсгүй тодорлоо

“Монголын сайхан бүсгүй-2010” тэмцээний Оюунлаг миссээр өргөмжлөгдөж байсан  Б.Борголжин Малайзын Куала Лампур хотноо болсон “Мисс Туризм Интернэйшнл-2010” тэмцээнд амжилттай оролцжээ.  60 гаран улсын үзэсгэлэнт бүсгүй орсон уг тэмцээнд Б.Борголжин  шилдэг тавд багтаж, “Дэлхийн мөрөөдлийн гүнж”-ээр өргөмжлөгдсөн байна. Мөн Б.Борголжин бүсгүй оюун ухаан, гоо үзэсгэлэн,авьяас чадвараараа тэргүүлж “Miss Charming Fantasy” буюу  “Оюунлаг үзэсгэлэн гоо мисс”, “Miss Crowning Glory” буюу “Алдрын титэмт мисс” номинациудын тэргүүн байрын эзнээр тодорсон байна. 
Б.Борголжин  өнөөдөр  Шанхай хотын их сургуульд хуульч мэргэжлээр суралцаж байгаа юм.  Тэрээр гурван настайгаасаа орос цэцэрлэгээр хүмүүжиж, үргэлжлүүлэн орос дунд сургуульд суралцаад 13 настайдаа Хятадын Тианжинь хотын Олон улсын спортын дунд сургуульд суралцан газрын теннисний тамирчин болсон ажээ. Түүний дараагаар Хятаддаа рейтингээрээ дээрээсээ гуравт жагсдаг алдарт Нанкайн их сургуулийн Хятад хэл соёлын коллежийг 2008 онд амжилттай  суралцаж төгссөн юм.

А.Баярмаа