Япончууд адууны маханд амтшаад буцдаг

Өнөөдөр дэлхий даяар Монголыг маш олон улс орон сонирхдог. Тэд мэдээж бүгдээрээ энэ их уудам сайхан нутаг, цөөн хүн ам, хэн нэгнээс нь өрсөж... хэмээн шүлсээ савируулдаг. Үүнд нэгдүгээрт мэдээж хужаа нар. Тэд оросуудыг байхгүй бол аль 1921 онд Монголыг аваад уусгачих байсан. Тэгээд л Япон, Солонгос, АНУ гээд явж өгнө. Өнөөдөр Монголд ирж буй гийчдийн бараг 30-40 хувь япончууд. Тэд Монголын үзэсгэлэнт хөдөө нутаг, мал сүрэг, уулс ус, мөнх хөх тэнгэрийг, бас Монголын өвлийг үзэхээр ирдэг. Гэвч сүүлийн хэдэн жил өвөл ирж угаартахаас зугтах болсон нь мэдээж. Харин Монголд ирсэн япон жуулчид, иргэдийн олонх нь энд ирчихээд адууны маханд дурлачихдаг гэнэ. Тэд монголчуудаас дутахгүй махсаг улс гэсэн нь үнэн бололтой. Ялангуяа, адууны махыг бөөнөөр нь авч чанаж иддэг, шөлийг нь шоржигнотол хөлсөө гоожуулан уухыг харсан монголчууд “Япончууд ч бас махчин золигнууд юм” хэмээн гайхширдаг ажээ.

Д.Сэндэр