“Fly” хамтлаг хоёр дахь уран бүтээлээ гаргалаа

Монголын урлагийн ертөнцөд  шинэ өнгө төрх нэмсэн хамтлагийн нэг бол “Fly”.  Анхны уран бүтээл болох  “Why” дуугаа гаргаад удаагүй байгаа тус хамтлагийн  хоёр дахь уран бүтээл мэндэлжээ. Шинэ уран бүтээлийн талаар тус хамтлагийн гишүүн  Бабуунаагаас тодруулахад “Бидний хоёр дахь уран бүтээл “Хайрыг битгий уйлуул” нэртэй гарч байна. Үг, аяын хувьд манай хамтлагийн Жавхаагийнх. Ер нь бид шинэ Монголын залуучуудын өнөөгийн байгаа хайр сэтгэлийн тухай,  жаахан ч гэсэн ухаарал нэмэх юмсан гэж уран бүтээлээ хийж байгаа. Биднийг залуу хамтлага гэхгүй бидний дууг сайн сонсоод үзээрэй. Энэ дууныхаа араас “Хайрын цас” нэртэй уран бүтээл гаргана” гэж байсан юм. 

А.Баярмаа