Ш.Түвдэндоржийг огцруулна гэнэ
Нийслэлийн Ардчилсан намынхан дахиад бужигнаж эхэллээ. Намын дарга Ш.Түвдэндорж нь ажил хийдэггүй юм гэнэ. Мөн энд тэнд явуулдаг хувийн амбиц ихтэй хор найруулга нь гишүүдийн дургүйг хүргэдэг ажээ. Өнгөрөгч хавар тэр намынхаа залуучуудын байгууллагын даргаар өөрийн хүнээ хүчээр сонгуулах гэж оролдсон нь бүтэлгүйтсэн юм. Тэгвэл саяхан намынхаа дүрмийг зөрчин хурал хийжээ. Нийслэлийн Ардчилсан нам нь хуралдах болвол хурлынхаа товыг дор хаяж 14 хоногийн өмнө зарлах ёстой юм байна. Гэтэл Ш.Түвдэндорж өнгөрөгч баасан гарагт ажил тарсны дараа гэнэт гишүүдээ дуудан 50 хувь орчим ирцтэйгээр хуралдсан ч үүнд дүүргүүдийн Ардчилсан намын дарга нараас оролцож чадаагүй ажээ. Түүнчлэн хэрвээ Нийслэлийн Ардчилсан намын ээлжит хурлын өмнө заавал Дүүргүүдийн Ардчилсан намууд хурлаа хийж, дүнгээ ирүүлсэн байх дүрмийн заалттай ч энэ нь бас л зөрчигдсөн байна. Ийнхүү намын дотоод ардчиллыг ноцтой зөрчсөн Ш.Түвдоржийг албан тушаалаас нь хусч хаях тухай яригдаж эхэлжээ.
Х.Тулга
Холбоотой мэдээ
Сэтгэгдэл ( 0 )