Дуучин Агиймаа архинаас гарчээ

“B” продакшнаас уран бүтээлийнхээ гарааг эхэлсэн дуучдын нэг бол  Э.Агиймаа .  Хамтран ажиллагч уран бүтээлчид  нь түүнийг овоо юм дуулгах авьяастай нэгэн гэж тодорхойлдог ч, залуу хүүхэд байж залхуу нь хэтэрсэн  гэх нь ч бий. Үнэндээ дуучин Агиймаа залхуураад таг болов уу, аль эсвэл хэвлэлээр цацагдаад байгаа шиг бие давхар болсон уу  гэсэн таамаг  цөөхөн ч гэлээ түүнийг сонсдог хэсэг залуусын дунд явсаар байсан. Тэрээр “В продакшнаас” гарснаасаа хойш “шилтэй цэнхэртэй”  нөхөрлөж нэлээдгүй жин нэмсэн  ч  саяхнаас “New Star”студийн хөгжмийн найруулагч С.Гантөрд хэд хэдэн дууны захиалга өгсөн аж. Удахгүй болох тоглолтон дээрээ шинэ дуунуудаа дуулах юм байна. Ямартай ч дуучин бүсгүй маань архинаас гарч уран бүтээлдээ эргэн оров бололтой.

М.Гэрэлцэцэг