Энэ долоо хоногт эрс хүйтэрнэ

Өнөөдөр баруун зүгийн нутгаар, маргааш нутгийн төв хэсгээр ахиухан хэмжээний нойтон цас орж, эрс сэрүүсэхийг малчид, тариаланчид, ард иргэдэд анхааруулж байна.

27-нд нутгийн төв хэсгээр, 28-нд нутгийн зүүн хагаст, 29-нд зүүн зүгийн нутгаар хур тунадас орно. Салхи 27-нд ихэнх нутгаар, 28-нд говь, талын нутгаар секундэд 16-18 метр хүртэл ширүүсч шороон шуурга шуурна.

Эрс сэрүүсч Алтай, Хангай, Хөвсгөл, Хэнтийн уулархаг нутгаар шөнөдөө 6-11 градус хүйтэн, өдөртөө 0-5 градус дулаан, говийн бүс нутгаар шөнөдөө 2 градус хүйтнээс 3 градус дулаан, өдөртөө 9-14 градус дулаан, бусад нутгаар шөнөдөө 3-8 градус хүйтэн, өдөртөө 4-9 градус дулаан байна.