“Хит парад-2011” үнэхээр доргио боллоо

Өнгөрсөн бямба гаригт “Ub palace”-ийн концертийн их танхимд “Хит парад-2011” бүх оддын нэгдсэн тоглолт боллоо. Их монгол  fm- 99.7 радиогийн таван жилийн ой, Mds хөгжмийн телевизийн нээлтэнд зориулсан энэхүү тоглолт нь “Ub palace”-ийн концертийн их танхимыг дүүргэж  таван цагийн турш үргэлжиллээ. Их монгол  fm-99.7 радио нь өнгөрсөн оны хамгийн олон сонсогчтой радиогоор тодорсон бөгөөд дэргэдээ хөгжмийн сувагтай цорын ганц радио юм. Тиймдээ ч танхим дүүрэн доргио үзэгдийг цуглуулж  төрсөн өдрийн баяраа гайхамшигтай тэмдэглэлээ. Энэхүү тоглолтонд сүүлийн үед уран бүтээлээсээ нилээд хөндийрөөд байсан рок попын одууд тэр дундаа  "ice toр ","Digital", "lumino," "Мөнхийн реп",  "flash "хамтлагийн уран бүтээлчид ирж шинэ уран бүтээлээ өргөн барьсан нь үзэгчдийг баярлуулсан юм. Мөн тоглолтыг “тв коктайль” хамтлагийн жүжигчин Өөскө, Цоомоо нар хөтөлсөн нь үзэгчдийг хөгжөөж, тоглолтыг улам сонирхолтой болгож чадлаа.