“Anemone”-ийн охид эхлээд мөнгөтэй болоод дараа нь уран бүтээлээ хийнэ

MN-25 дугаар телевизийн “Making The Band” шоунаас уран бүтээлийн гараагаа эхэлсэн “Anemone” хамтлагийн охид Монголын рок поп урлагт охидын хамтлагийн байр суурь ганхаж эхлэсэн үед цагаа олон мэндэлсэн билээ.  Гэвч тэд  анхны уран бүтээл болох “Хаврын хайр” дуунаасаа  хойш  шинэ уран бүтээл хийсэнгүй. Саяхан  “Сарнайх” гоо сайхны бүтээгдэхүүний сурталчилгаанд тоглосон.  Тэд  шоу тоглолт, зар сурталчилгааны санал, урилгад дарагдаад байгаа сурагтай.  Удахгүй  бидний шинэ уран бүтээл, анхны цомог  гарах болно. Бид шинэ уран бүтээл хийж байгаа” хэмээх FB хуудсаараа дамжуулан бичсээр байгаа  ч  өнөөг хүртэл тэднийг дэмжигч залууст хүрсэн   шинэ дуу, соньхон клипний сураг ч алга. Харамсалтай  нь “Anemone”  хамтлагийнхан  шинэ уран бүтээл гэхээсээ  мөнгөтэй болохыг чухалчилж реклам сурталчилгаанд тоглохыг илүүд үзэж байгаа бололтой.

М.Гэрэлцэцэг.