Монгол залуус цахилгаанаар явдаг мотоцикл зохион бүтээжээ

Унадаг дугуйнд мотор суулган  цахилгаанаар цэнэглэдэг  мотоциклыг Монгол залуус зохион бүтээжээ. Чөлөөт нислэгийн загвар хийдэг арав орчим залуус хамтран  энэхүү  цэнэглэдэг мотоциклыг бүтээсэн бөгөөд шинэхэн бүтээлдээ “Nikei Gamba3 DG57” хэмээн нэрлэсэн байна.  Цахилгаан мотоцикл нь 6-7 цаг цэнэглээд 20 км явах боломжтой бөгөөд  замын түгжрэлд гацахгүй, байгаль орчинд сөрөг нөлөөгүй гээд олон давуу талтай. Залуус цахилгаанаар ажилладаг мотоциклыг зохион бүтээх гэж хоёр сар ажилласан гэнэ.  Улмаар анхны цахилгаан  мотоциклыг өнгөрсөн 6-р сард бэлэн болгож өдгөө цөөн тооны хүн энэ унааг хэрэглээндээ ашиглаж байгаа юм байна.   
А.Баярмаа