С.Жавхлан МҮЭ-ийн тулганы галыг бадраалаа

МУГЖ С.Жавхлангийн зохион байгуулж буй “Монгол түмний тулганы гал бадраах ёслол”-д МҮЭ-ийнхэн нэгдлээ.  Өөрөөр хэлбэл, МҮЭ-ийн холбооны салбарын 13 ҮЭ-ийн холбоо, Нийслэл Улаанбаатар хотын ҮЭ-ийн холбоо тус арга хэмжээнд нэгдэж байгаа юм.
Өнөөдөр  Сүхбаатарын талбайд болсон энэхүү арга хэмжээнд төр засгийн удирдагчид, ҮЭ-ийн үе үеийн ахмад зүтгэлтнүүд болон Монгол Улсын Ардын Жүжигчин А.Энхтайван, Цэргийн дуу бүжгийн чуулга, "Боржигон" чуулга, ардын урлагийн "Жонон" хамтлаг, бусад залуу дуучид оролцсон юм. Урилгаар Монгол улсын Хөдөлмөрийн баатар Ц.Цэрэн-Очир, Ё.Норовсамбуу, Б.Хэрлэн нар оролцсон.

Тулганы гал бадраах ёслолын талаар  МҮЭ-ийн Ерөнхийлөгч С.Ганбаатар: 84 жилийн түүхтэй МҮЭ-ийнхэн өнөд мөнхийн галыг тулгандаа бадрааснаар  хөдөлмөр ажил үйлсээрээ Монгол Улсынхаа хөгжлийн төлөө зүтгэж буй мянга мянган гишүүдийнхээ сэтгэлд өнөд мөнхийн гал үргэлж мандан бадарч Монголын төр гал шиг ариун байхыг билэгдэж байна хэмээн тайлбарлаж байсан.

А.Баярмаа, П.Төгөлдөр