“Хурд”-ын хамтлагийнхан зургаан гитараа хулгайд алджээ

Хурд хамтлагийн ахлагч Д.Ганбаяр өнгөрсөн амралтын өдөр машинаасаа зургаан гитар хулгайд алдсан байна. Энэ мэдээлэл Сонгинохайрхан дүүргийн цагдаагийн газарт бүтэн сайн өдөр ирсэн ажээ. Хулгайч Д.Ганбаярын “Тоёота Прадо” маркийн 80-90 УНД дугаартай  машиныг Цамбагаравын ойролцоох  12-р байрны гадаа зогсож байх үед хойд хаалганы цонхыг хагалж, хаалгыг нь онгойлгож байгаад зургаан гитарыг авсан гэнэ.

Уг хэрэгт тус дүүргийн  цагдаагийн газраас хавтаст хэрэг  үүсгэн шалгаж байгаа бөгөөд “Хурд” хамтлагийнхан энэ хэргийн талаар  нууцалж байгаа гэнэ.  

А.Баярмаа