Удган Түдэв Оросын ”Зөн билгийн тулаан”-ы шилдэг наймд шалгарлаа
Монголчууд та бидний шимтэн үздэг “Зөн билгийн тулаан” нэвтрүүлэгт манай улсаас анх удаа удган Түдэв оролцож байгаа билээ. Түүнийг шилдэг аравт шалгарсан талаар бид өмнө нь мэдээлж байсан. Тэгвэл түүнийг шилдэг наймд шалгарсан талаар Монголын зөн билгийн академиас мэдээллээ. Удган түдэв ОХУ-д нөхөртэйгөө хамт нэвтрүүлэгт оролцож байгаа бөгөөд даалгавруудаа амжилттай биелүүлж байгаа гэнэ. Мөн “ Нэвтрүүлгийн даалгавар ерөнхийдөө Монголд биелүүлж байсан даалгавруудтай ижилхэн ч бага зэрэг хүнд байна. Гэхдээ намайг дэмжиж байгаа Монголын бүх ард түмэндээ баярлалаа” хэмээн дамжуулсан юм.
Удган Түдэв 2009 онд Монголын “Зөн билгийн тулаан”-ы II цувралд хоёрдугаар байрт шалгарсан бөгөөд 2011 онд болсон IV цувралд өмнөх тулаануудын эхний гурван байрт шалгарсан оролцогчидтой өрсөлдөж I байрт орсон юм. Тэрээр Оросын “Зөн билгийн тулаан” нэвтрүүлгийн 12 дахь удаагийн тулаанд шалгаран орохын тулд хэд хэдэн даалгаврыг биелүүлсэн байна. Тодруулбал тэмцээний эхний шатанд нийт 160 гаруй хүн оролцож таван даалгавар гүйцэтгэсэн бөгөөд шилдэг 10 шалгарч үлдсэн. Үүний дараагаар тэрээр шилдэг ес болон наймд шалгаран үлдсэн юм.
А.Баярмаа
Холбоотой мэдээ
Сэтгэгдэл ( 0 )