“Улаанбаатарчуудын эрхийн төлөө” уулзалт хэлэлцүүлэг боллоо
Улаанбаатар хотын иргэдийн нийтийн эрх ашиг, тулгамдсан асуудлуудын талаарх “Улаанбаатарчуудын эрхийн төлөө” уулзалт хэлэлцүүлэг Засгийн газрын 11 дүгээр байранд өчигдөр боллоо. Уг хэлэлцүүлгийг Нийслэлийн Ардчилсан Хүчний Холбоо, Миний Улаанбаатар клуб хамтран зохион байгуулж байна. Хэлэлцүүлэгт УИХ-ын гишүүд, Ардчилсан Хүчний Холбооны төлөөлөл, Нийслэлийн удирдлагууд, Төрийн бус байгууллагуудын төлөөлөл оролцсон байна.
Энэхүү уулзалт хэлэлцүүлэгийн хүрээнд
- Улаанбаатарчууд ба эрүүл аюулгүй орчинд амьдрах эрх
- Улаанбаатарчууд ба нийтийн эрх ашгийн зөрчил
- Улаанбаатарчууд ба бизнесийн орчин
- Улаанбаатарчууд ба хот төлөвлөлтийн бодлого түүний хэрэгжилт
- Улаанбаатарчууд ба сонгох сонгогдох эрх
- Улаанбаатар хотын газрын харилцааны зарим асуудал
- Улаанбаатар хот төлөвлөлт зэрэг сэдвүүдээр илтгэл хэлэлцүүлэг болж байна. Уулзалт хэлэлцүүлэгт оролцогчид Нийслэлийн 372 жилийн ойд зориулж “Улаанбаатар тунхаг бичиг” анх удаа гаргалаа.
Тунхаг бичгийг УИХ-ын нэр бүхий гишүүд, Ардчилсан Хүчний Холбоо, Нийслэлийн удирдлагууд дэмжин хамтран ажиллахаа илэрхийлсэн байна. Улаанбаатар хотын анхны тунхаг бичигт Улаанбаатарчуудын амьдралд тулгамдаж буй бүхий л асуудлуудыг багтааснаараа онцлогтой юм. Энэхүү ажлын үргэлжлэлийг Миний Улаанбаатар клуб удирдан явахаа илэрхийлсэн. Улсын нийслэл Улаанбаатарын иргэд анх удаа өөрсдийн эрх ашгаа илэрхийлэн, эрхээ эдэлж, үүргээ биелүүлэхээр болсноо ийнхүү тунхаглан зарлалаа.
Холбоотой мэдээ
Сэтгэгдэл ( 0 )