Технологийн шилдэг санаачлагч болж гадаадад үнэгүй суралцъя

Монгол улсын Ерөнхий сайдын ивээл дор зохион байгуулж байгаа  Залуу зохион бүтээгч уралдаант шоу нэвтрүүлгийн 2 дахь гараа эхлэж байна. Уралдаанд хүний хөдөлмөрийг хөнгөвчлөх техникийн шинэ санаа шийдлийг боловсруулсан 12-28 насны хүүхэд залуус оролцох юм. Нэг оролцогч хоёр санаатай байхаас гадна нийгэмд хэрэглэгдэх санаа байх нь чухал гэнэ.

Уралдааны 1-р шатны шалгаруулалт:

Баруун бүс: Увс, Баян-Өлгий, Ховд, Завхан, Говь-Алтай аймгийн хүүхэд залуусыг Увс аймгийн төв Улаангомд 11-р сарын 16-17 ны өдрүүдэд шалгаруулна.

Зүүн бүс: Хэнтий, Говьсүмбэр, Дорнод, Дорноговь, Сүхбаатар аймгийн оролцогчид Дорнод аймгийн төв Чойбалсан хотод 11-р сарын 23,24 нд

Төвийн бүс: Хөвсгөл, Архангай, Баянхонгор, Булган, Өвөрхангай, Өмнөговь, Дундговь, Төв, Дархан-Уул, Сэлэнгэ аймгийн оролцогчид 11-р сарын  30 нд Улаанбаатар хотод тус тус шалгаруулна.

Уралдааны шагналын сан:

1-р байр 1: Гадаадын их дээд сургуульд 4 жил үнэ төлбөргүй суралцах эрх, 5 сая төгрөг

2-р байр 2: Дотоодын их дээд сургуульд 4 жил үнэ төлбөргүй суралцах эрх тус бүр 2 сая төгрөг

3-р байр 3: Дотоодын их дээд сургуульд суралцах урилга тус бүр 1 сая төгрөг

Шилдэг 15 оролцогч уралдааны дэмжигч, хамтран ажиллагч байгууллагуудын нэрэмжит шагнал

Бүртгэлийг mgl_inventor@yahoo.com хаягаар болон МҮОНРТ-ийн Олон нийттэй харилцах албаны 328334 дугаарын утсаар авч байна.

Шинэ санаагаар өрсөлдөж шилдэг зохион бүтээгч болохыг хүсвэл Залуу зохион бүтээгч уралдаант шоу нэвтрүүлэгт оролцоорой.

Н.Гэгээ