Өнөөдрийн цаг агаарын мэдээ

Өнөөдөр: Төвийн нутгийн зүүн хэсэг, говь, зүүн зүгийн нутгийн зарим газраар бага зэргийн цас орж, зөөлөн цасан шуурга шуурна. Салхи баруун зүгийн нутгаар баруун өмнөөс бусад нутгаар хойноос  секундэд 5-10 метр. Хүйтэрч Хөвсгөл, Хэнтийн уулархаг нутаг, Хэрлэн, Халх голын саваар 15-20 градус,  Хангай уулс, Дорнод, Дарьгангын тал нутгаар 12-17 градус, Алтайн өвөр говь болон говийн өмнөд хэсгээр 0-5 градус, бусад нутгаар 8-13 градус хүйтэн байна. Улаанбаатар хотод бага зэргийн цас орно. Салхи зүүн хойноос секундэд 4-9 метр, 10-12 градус хүйтэн байна.

        Төлөв: 11 дүгээр сарын 23-ны өдрийг хүртлэх байдлаар, 19-нд зүүн зүгийн нутгийн зүүн хэсгээр, 20-нд баруун зүгийн нутгийн баруун хэсгээр, 21-нд баруун болон төвийн нутгийн хойд хэсгээр, 22-нд төвийн нутгийн зүүн хэсэг, зүүн зүгийн нутгийн зарим газраар бага зэргийн цас орно. Салхи 19-нд зүүн зүгийн нутгаар,  20-нд Алтайн салбар уулсаар, 21-22-нд говь талын нутгаар секундэд 12-14 метр хүрч ширүүснэ. Хугацааны эхээр өдөртөө бага зэрэг дулаарах боловч хугацааны сүүлчээр хүйтэрч Хангай, Хөвсгөл, Хэнтийн уулархаг нутаг, Хэрлэн, Халх голын саваар шөнөдөө 24-29 градус, өдөртөө 13-18 градус, Алтайн өвөр говь болон говийн нутгийн өмнөд хэсгээр шөнөдөө 9-14 градус, өдөртөө 0-5 градус, бусад нутгаар шөнөдөө 20-25 градус, өдөртөө 8-13 градус хүйтэн байна.