Монголд анх удаа тайзан дээр ”Цасан бороо” оруулна

“Уучлалт гуйхыг минь хүлээж байна уу?”, “Хайрын гэгээ”, “Чамдаа” зэрэг олон сайхан хайрын дуугаараа хүүхэд залуусыг байлдан дагуулж буй хамтлаг бол “Мотив”. Тэд аль хэдийнэ урлагт хайртай ард түмнээсээ  “Камертон”, “Номин талст” хамтлагийн орон зайг нүүр бардам нөхөж буй хамтлаг” гэх тодотголыг хүртсэн. Салбарынх нь ах эгч нар ч үүнтэй санал нийлдэг юм билээ. Ямартай ч өнгөрсөн жил “Хайрын гэгээ” анхны цомгоороо нэрлэсэн тоглолтоо хийж “UB Palace” –ыг доргиосон залуус энэ удаад “Монгол бөхийн өргөө”-нд “Цасан бороо” оруулах гэж байна. Мэдээж “Цасан бороо” гэдэг бол тус хамтлагийн хоёр дахь тоглолтынх нь нэр. Энэ удаагийн тоглолтод хуучны хит дуунууд болон тус хамтлагийн “Цасан бороо” цомогт багтсан шинэ уран бүтээлүүд эгшиглэх аж. Тэд тоглолтондоо зориулан олон гэнэтийн бэлгүүдийг бэлдсэн бөгөөд монгол анх удаа тайзан дээр цасан бороо оруулах аж.