Азид цэвэр усны төлөө ДАЙН дэгдэх нь ээ
XXI зуунд болох дайнууд уснаас үүдэлтэй, усны төлөөх дайнууд байх болно гэсэн таамаглал бий. Амьдрал дээр батлагдах магадлал өндөртэй гэдгийг эдүгээ өрнөж байгаа үйл явдлууд хангалттай баталдаг. Египет Нил мөрний усыг боосноос болж Судан, Эфиоптой байнга таагүй харилцаатай, хэзээ ч дайтаж магадгүй түгшүүртэй байгаа бол Тигр, Евфрат мөрний төлөө Турк, Сири улсууд ч мөн адилхан тэмцэл өрнүүлж байна. Тэгвэл “усны” шалтгаантай халуун цэгийн тоо өнгөрсөн долоо хоногт нэгээр нэмэгдлээ. Узбекистан улсын Ерөнхийлөгч Ислам Керимов “Киргизстан улс ОХУ-ын тусламжтайгаар хил дамнасан гол мөрөн дээр усан цахилгаан станц барих ажлаа үргэлжлүүлбэл Дундад Азид бүс нутгийг хамарсан дайн дэгдэж болзошгүй” гэсэн хатуу мэдэгдлийг хийсэн юм. Ерөнхийлөгчийн албан ёсны цахим хуудсанд бүрэн эхээрээ тавигдсан дээрх мэдэгдэлд “Киргизстан, Казахстан, Узбекистан, Тажикистан, Туркмен улсыг дамнан урсдаг гол мөрний усны нөөц, эрчим хүчний эх үүсвэрийн төлөөх өрсөлдөөн, бусадтайгаа зөвшилцөлгүйгээр хийсэн ухаалаг бус үйлдэл нь цаашдаа дайн гаргах шалтгаан болж мэдэх юм” хэмээн онцлон тэмдэглэсэн байна.
С.Керимов энэ талаар анх удаа ийм хурц мэдэгдэл хийж байгаа хэрэг биш юм. Тэрээр өмнө нь НҮБ-д хандаж, “Ямар нэг агуу улс” бусадтайгаа зөвшилцөлгүй дундын баялагт эзэн суухыг санаархсан нэг улсад тусалж, хил дамнасан гол дээр нь усан цахилгаан станц барихаас өмнө хяналт шалгалт хийхийг шаардсан мэдэгдэл хийж байсан юм. Мэдэгдэлд дурьдагдсан “Агуу улс” нь ОХУ, бусадтайгаа зөвшилцдөггүй дураараа улс нь Киргизстан байжээ гэдэг нь ийнхүү тодорхой болов.
Киргизстан улс Камбаратинскийн УЦС-1, Дээд Нарынскийн усан цахилгаан станцыг ОХУ-ын тусламжтайгаар барьж байгуулах гэж байгааг Узбекистан тууштай эсэргүүцэж байгаа юм. Том гол мөрөн багатай, уулын жижиг голуудын цутгал дээр усан цахилгаан станц барих нь Узбекистанд гадаргын усны хомсдол үүсгэж, улмаар дэлхийн 43 улсад экспортолдог газар тариалангийн салбарт нөхөж баршгүй гарз авчирна гэж С.Керимов үзэж байгаа юм. Тус улс жил бүр 15-18 сая тонн жимс, жимсгэнэ, нарийн ногоо хурааж, 10 хувийг нь экспортлон 1.5 тэрбум ам.доллар олдог юм.
Зөвхөн Узбекистан ч биш, Арал тэнгисийн сав газар нутагтай улс орнууд бүгд Киргизстаныг эсэргүүцэж байна. Тэд нийлж байгаад өнгөрсөн есдүгээр сард болсон НҮБ-ын чуулган дээр танилцуулга хийж, анхаарал хандуулахыг хүссэн юм. Сүүлийн 50 жилийн хугацаанд Арал тэнгисийн талбай дөрөв дахин, усны нөөц 10 дахин багассан гэсэн тооцоо байдаг юм байна. Ус ууршихын хэрээр усан дахь эрдэс бодисын хэмжээ нэмэгдэж, амьтан ургамал амьдрах нөхцөлгүй хомсодсоор байгаа ажээ. Тэнгисийн ероол байгаад эдүгээ нүцгэн тал болсон газраас жил бүр 75 сая тонн элс, давс салхиар туугдан Европ, тэр ч бүү хэл Антарктидэд хаягддаг гэсэн тооцоо ч байдаг юм байна.
С.Төгөлдөр
Холбоотой мэдээ
Сэтгэгдэл ( 4 )
Тархи-Зүрх судасны хатуурал нарийслыг эрүүлжүүлж, цус шингэлж холестрин бууруулах үйлчилгээ бүхий ЛиЭрКан бүтээгдэхүүнийг борлуулж байна. Тус бүтээгдэхүүн Монголд 11 дэх жилдээ борлогдож байгаа ба дараах эмгэгүүдэд хэрэглэнэ. Бүтээгдэхүүний үйлчилгээ нь: Эмгэгийн шалтгааныг арилгах: -Цус шингэлэх, Холестрин бууруулах, Эрүүлжүүлэх: -Даралт ба хуян, Тархи-зүрхний судасны хатуурал нарийсал, ишеми, Бусад эрхтний судасны хатуурал нарийсал, бөглөрөхөөс урьдчилан сэргийлэх. Лавлах утас: 96665038. Үнэ: 1 курс- 3 сар хэрэглэх 660’000₮, 1 сараар хэрэглэх нь 220’000₮ Бүтээгдэхүүний танилцуулга бичлэг:
Orosyn bodlogo bol Mongol ulsyg ooriinhoo erhsheeld bailgaj baij bodoltoi baigaa shuu dee?
Orosuud manai egiin goliin usan tsahilgaan stantsiig demjihgui baigaa mortloo kirgiziig demjideg n oilgomjguil bn daa