ӨГЛӨӨНИЙ МЭНД!
Өнөөдөр 2024.11.27. Энэ оны 332 дахь өдөр бөгөөд он дуусахад 34 хоног үлдэж байна. Монгол эх оронд маань нар 08 цаг 16 минутад мандаж, 17 цаг 04 минутад жаргана.
Улаанбаатарт цэлмэг. Өдөртөө 7 хэм, шөнөдөө 12 хэм хүйтэн байна. Та хувцсаа тохируулж өмсөөд гараарай.
Өнөөдөр ОХУ-д Тэнгисийн явган цэргийн корпусын өдөр, Испанид Багш нарын өдөр тохиож байна. Энэ өдөр Шведийн цаг уурч Андерс Цельсий, Хонконгийн жүжигчин, тулааны урлагийн мастер Брюс Ли, Канадын жүжигчин Элисон Пилл, АНУ-ын фото модель Саманта Харрис, олимпын аварга Метте Вестергор, Канадын хоккейчин Чед Килгер нар мэндэлжээ.
Энэ өдөр дэлхий дахинд болсон онцлох үйл явдлууд:
1914 оны энэ өдөр Еврейн томоохон буяны байгууллага болох Жойнт үүсгэн байгуулагджээ.
1920 оны энэ өдөр Беларусын тусгаар тогтнолыг хамгаалсан Слуцкийн бослого эхлэв.
1945 оны энэ өдөр Олон улсын хүмүүнлэгийн тусламжийн CARE байгууллага байгуулагджээ.
1978 оны энэ өдөр Курдистаны Ажилчдын нам байгуулагджээ.
1983 онд Мадрид хот орчим Боинг 747 онгоц осолдож, 181 хүн амиа алдав.
1989 оны энэ өдөр Богота хот орчим Боинг 727 онгоц дэлбэрч, 110 хүн амиа алджээ. Алан хядах ажиллагааг хар тамхины хаан Пабло Эскобарын захиалгаар зохион байгуулжээ.
Билгийн тооллын 27. Тухайн өдөр гахай, туулай жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба лус тахих, мал худалдан авах, мал түгээх, огторгуйн үүдийг боох, их хүмүүнтэй уулзахад сайн. Цөөрөм байгуулах, сахил санваар авах, хануур, төөнүүр хийлгэх, балгадын суурь тавих, нохой худалдан авахад муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод зүүн хойш мөрөө гаргавал зохистой.
Өнөөдөр үс засуулбал өлзийтэй сайн.
Өнөөдрийн ажилд тань амжилт хүсье!
Холбоотой мэдээ
Сэтгэгдэл ( 0 )