С. Амарсайхан: Мэргэшсэн боловсон хүчнээр хангагдаж чадвал АЖ-ын салбар хөгжих нөхцөл бүрдэнэ

НИТХ-ын дарга С.Амарсайхан  Аялал жуулчлалын хөгжлийн төв ТӨҮГ-ийн дэргэд Аялал жуулчлалын салбарын сургалтын төв байгуулах хүний нөөцийг чадваржуулах сургалтын төв байгуулах багийн төлөөлөгчдийг хүлээн авч уулзлаа /2018.04.20/.

Энэ төслийг хэрэгжүүлснээр аялал жуулчлалын талаарх төрийн бодлогын хэрэгжилтийг хангах,  аяллын бүтээгдэхүүний нэр төрөл, үйлчилгээний чанар, хүртээмжийг нэмэгдүүлэх, аялал жуулчлалын мэргэжлийн байгууллагуудын менежментийг сайжруулах, хүний нөөцийн хөгжлийг хангах, салбарт ажиллагсдын мэргэжлийн ур чадварыг тасралтгүй дээшлүүлэх, тогтвортой аялал жуулчлалыг хөгжүүлэх зорилгоор тус сургалтын төвийг байгуулах юм.

Төслийг БНСУ-ын буцалтгүй тусламжаар хэрэгжүүлэх аж.  Тиймээс  НИТХ-ын дарга С.Амарсайхан  уг асуудлыг нийслэлийн зүгээс бүх талаар дэмжих боломжтой төдийгүй бидний өмнө тулгамдсан чухал асуудлуудын нэг юм.

Энэхүү зорилтуудыг хэрэгжүүлснээр аялал жуулчлалын  салбарын хөгжлийг эрчимжүүлж, салбарын мэргэжилтэй, мэргэшсэн боловсон хүчин, ур чадвартай ажилтнаар хангагдаж, улмаар аялал жуулчлал, зочлох үйлчилгээний хүртээмж, чанарын түвшин дээшилж аялал жуулчлалын салбарын тогтвортой хөгжих нөхцөл бүрдэхэд түлхэц болно гэлээ.