Forbes: Азийн шилдэг залуу энтрепренерээр монгол залуус нэрлэгджээ

Forbes сэтгүүлээс гаргасан Азийн ирээдүйтэй 30-аас доош настай 30 энтрепенерүүдийн жагсаалтад гурван монгол энтрепренер багтжээ.  

Энхцэцэгийн Орчлон. Clean Energy Asia компанийн ерөнхий захирал /Цэвэр эрчим хүчний салбарын энтрепенер/

Э.Орчлон нь Монгол Улсын салхи, нарны эрчим хүчний асар их эх үүсвэрийг ашиглан импортын түлш, цахилгаан эрчим хүчний хараат бус байдлыг багасгах зорилгоор 2012 онд байгуулагдсан эрчим хүчний стартап компанийн ерөнхий захирлаар ажиллаж байна. Clean Energy Asia компанийг  Newcom компани, Softbank Group-ийн эрчим хүчний салбар SB Energy компанийн хамтран байгуулжээ. 2017 онд Clean Energy Asia компани Говьд 50 МВт эрчим хүч үйлдвэрлэх хүчин чадалтай анхныхаа салхин цахилгаан станцыг барих төсөлдөө нийт 128 сая ам.долларыг төвлөрүүлж чадсан байна. Э.Орчлонгийн хэлснээр, Монгол Улс салхи болон нарны эрчим хүчний эх үүсвэртэй хэдий ч ОХУ-ын түлшнээс ихээхэн хэмжээгээр хамааралтай. Түлшний хэрэглээ өвлийн хүйтэн улиралд агаарын бохирдлыг нэмэгдүүлж, Монголын экологийн цэвэр эрчим хүч экспортлогч орон болох боломжийг хязгаарладаг.

Аюушжавын Бямбажаргал, Фаро сангийн үндэслэгч /нийгмийн салбарын энтрепренер/

Боловсролыг дэмжигч А.Бямбажаргал нь Монгол Улсын хэлний Faro Education томоохон сүлжээ сургуулийн үүсгэн байгуулагчдын нэг юм. Фаро гэдэг нь испани хэлээр гэрэлт цамхаг гэсэн утгатай үг бөгөөд тус компанийн гол зорилго нь улс орондоо боловсролын гэрэлт цамхаг нь болох явдал юм. Ард иргэдийг гэгээрүүлэх, тоон боловсролыг дэмжих  үүднээс тэрбээр Фаро санг үүсгэн байгуулж, сургалтын хөтөлбөр хэрэгжүүлэх замаар иргэдийн тоон боловсролыг дэмжих зорилго тавин ажиллаж байна.

Рэнцэнгийн Эрдэнэтулга, RVJ Capital дэд ерөнхийлөгч /санхүү, компанийн капиталын салбарын энтрепренер/

Нью Йорк хотноо уул уурхайн Morgan Stanley группд ажиллаж байхдаа Р.Эрдэнэтулга Монгол улсынхаа эдийн засгийг солонгоруулахад өөрийн хувь нэмрийн оруулахаар сэтгэл шулууджээ. Эх орондоо буцаж ирээд залуу энтрепренер RVJ Capital компанид орж, хөрөнгө оруулалтын томоохон төслүүдийг удирдан ажиллаж байна. Ноолуурын үйлдвэр барих, Улаанбаатар хотын шинэ нисэх онгоцны буудлын дэргэд томоохон зочид буудал барих төслүүдийг тэрбээр чадамгай удирдаж байна. Эрдэнэтулга нь Брауны их сургуульд суралцаж байхдаа Род-Айлендын шилдэг шатарчин болж байжээ.