ДУНДГОВЬ: Цагаандэлгэрийн цэцэрлэгт хүрээлэнд 600 ширхэг мод тарилаа

Монгол Улсын Ерөнхийлөгчийн зарлигаар 2010 оноос хойш жил бүрийн 5, 10 дугаар сарын хоёр дахь долоо хоногийн бямба гарагийг "Бүх нийтээр мод тарих үндэсний өдөр" болгон тэмдэглэн өнгөрүүлдэг.

Тус өдрийг угтан Дундговь аймгийн Байгаль орчин, аялал жуулчлалын газар, Сум дундын ойн анги хамтран аравдугаар сарын 11-ний өдөр Цагаандэлгэр сумын цэцэрлэгт хүрээлэнд 600 ширхэг хайлаас, улиас, шар хуайс тарилаа. Мөн аймгийн Байгаль орчин, аялал жуулчлалын газраас мод тарих зөвлөгөө, практик сургалт, мэдээллийг сумын иргэдэд өглөө.

"Хоггүй цэвэрхэн Монгол" аяныг танилцуулан, "Нэг удаагийн хэрэглээнээс татгалзъя" уриан дор нөхөрсөг гар бөмбөгийн тэмцээнийг сумын албан байгууллага, аж ахуйн нэгжүүдийн дунд зохион байгуулсан байна.