КОВИД-19 | ДЭМБ хяналтаа сулруулах болоогүйг анхаарууллаа
Коронавирусний халдварын тархалт дэлхий даяар өссөн хэвээр байна. Дөрвөн сарын турш халдвар бүртгэгдээгүй байж чадсан Тажикистан улсад халдвар бүртгэгджээ. Тэгвэл Бразилд нийт халдварын тоо 85 мянга гаруй болсон бол ОХУ-д нийт 1073 хүн нас бараад байна. Сингапурт 528 тохиолдол шинээр бүртгэгдсэний зургаа нь тус улсын иргэд бол бусад нь гадаад ажилчдын дотуур байрнаас илэрсэн халдвар юм. Сингапурын Засгийн газрын зүгээс өвчлөлийг хяналтад авч, халдвар тээгчдийг бүрэн тусгаарласан гэж мэдээлжээ.
ХБНГУ-ын Халдварт өвчний хяналтын төв лаборатори шинжилгээний хүчин чадлаа хоёр дахин нэмэгдүүлж, долоо хоногт 860 гаруй мянган шинжилгээ хийжээ. Германд хүмүүс хоорондоо зайнаас харьцах стратегийг мөрдөж, үүнийгээ сунгаж мөрдөх төлөвтэй байна. Тус улс шинжилгээг хүн амын дунд аль болох олноор хийж байж халдварын тохиолдлыг аль болох эрт илрүүлэн тусгаарлаж, халдварын гинжийг таслахаар ажиллаж байгаа аж. Германд шинээр 1478 тохиолдол, 173 нас баралт бүртгэгдэж, нас баралтын түвшин дөрөв болж нэмэгджээ.
ДЭМБ-аас Европын улс орнуудад хандан өвчлөл хяналтад орох болоогүй байгааг анхааруулсан байна. Хяналтаа сулруулбал халдвар дахин сэргэх эрсдэлтэй юм.
Холбоотой мэдээ
