M.Ганбаатар: Шахмал түлшинд үндэсний компаниудын барьцалдуулагчийг ашиглана

Админ | Zindaa.mn
2021 оны 02 сарын 15

"Тавантолгой түлш" ХХК дотоодын үйлдвэрлэгчидтэй хамтран ажиллахаар болж байна. Ингэснээр шахмал түлш үйлдвэрлэхэд ашигладаг барьцалдуулагч үйлдвэрлэдэг үндэсний компаниудтай хамтран ажиллаж, тэдний үйлдвэрлэсэн барьцалдуулагчийг ашиглах юм. Энэ талаар "Тавантолгой түлш" ХХК-ийн Гүйцэтгэх захирал М.Ганбаатараас тодрууллаа.


-Танай компанийн тухай барьцалдуулагч үйлдвэрлэх үндэсний аж ахуй нэгжүүдтэй хамтран ажиллахаар болж байна. Үндэсний компаниудад ямар шаардлага тавьж ажиллах вэ?

-Манай компанийн хувьд барьцалдуулагчийг дотооддоо үйлдвэрлэх зорилгоор гурилын орцтой, шохойн орцтой, эрдэнэшишийн цардуулд суурилсан барьцалдуулагчийг үйлдвэрлэлдээ туршсан. Манай компанид барьцалдуулагч нийлүүлэх хүсэлтэй таван аж ахуй нэгж хүсэлтээ илэрхийлсэн. Мэдээж манай компанийн хувьд дотоодын бүтээгдэхүүнийг хэрэглэх зорилгоор хүсэлтээ илэрхийлсэн омпаниудад өөрсдийн туршиж бий болгосон орц нормын дагуу шаардлага тавьж ажиллана, захиалгаа өгнө.

-Тэгэхээр танай компани өөрийн гэсэн орц жортой болсон гэсэн үг үү?

-Манай компанид туршилт судлагааны цех гэж байдаг. Бүтээгдэхүүнээ тогтмол хөгжүүлэх үүднээс жил гаруйн хугацаанд туршилтууд хийгдсэн. Тиймээс бидний гаргасан орц нормын дагуу үйлдвэрлэсэн үндэсний үйлдвэрийн барьцалдуулагчийг Тавантолгой түлш ХХК үйлдвэрлэлдээ нэвтрүүлэх санаачилга гаргаж байгаа юм. Дээрх 5 компанийн төлөөлөлтэй уулзаж, хамтрах ажлыг эхлүүлж байна.

-Өнгөрсөн онд үйлдвэрлэгдсэн түлшинд гурил хийж байсан гэсэн үг үү?

-2020, 2021 онд үйлдвэрлэсэн түлшийг үндсэн орц жорын дагуу буюу импортоор авдаг барьцалдуулагчийг ашигласан. Яагаад гэхээр өвлийн хүйтэнд бүтээгдэхүүнд ямар нэгэн алдаа гарах магадлал өндөр учир үндсэн жороо бүтээгдэхүүнээ хийсэн. Өвлийг амжилттай давлаа, дулааны улирал ирж байгаа энэ үед үндэсний компаниудтайгаа хамтрах ажлыг эхлүүлж байна.

-Импортоор авч байгаа барьцалдуулагчид хэдэн төгрөг зарцуулдаг вэ?

-Жил 13 тэрбум орчим төгрөг зарцуулдаг. Барьцалдуулагчийн тал дээр манай компани төдийгүй үндэсний компаниуд ч ямар нэгэн мэдлэггүй байлаа шүү дээ. Тэгэхээр бид аж ахуй нэгжүүдийн үйлдвэрлэж байгаа барьцалдуулагч нь импортын бүтээгдэхүүнийг бүрэн орлож чадах уу, чанарын тал дээр ямар нэгэн доголдолгүй байж чадах уу гэдэг дээр нэлээд сайн анхаарал хандуулна. Ер нь бол 2021 оныг эх оронч худалдан авалтын жил болгон зарлаж байгаа юм. Ингэснээр зөвхөн барьцалдуулагч биш дотооддоо үйлдэрлэж байгаа, манай компанид шаардлагатай бараа бүтээгдэхүүнийг худалдан авна.

-Барьцалдуулагч нийлүүлэх хүсэлтээ илэрхийлсэн аж ахуй нэгжүүдийн барьцалдуулагчийг туршиж үзсэн үү. Шинжилгээний хариу ямар гарсан бэ?

-2020 оны хавраас эхлээд туршсан. Мэдээж үйлдвэрлэлд нэвтрүүлэхэд өвлийн болон зуны үед туршсан. Туршилтын дүн шинжилгээг мэргэжлийн байгууллагууд дээж авсан удахгүй мэдээлэх байх.

 

Сэтгэгдэл ( 8 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Зочин(202.9.46.181) 2021 оны 02 сарын 16

Хандлага нь зөв байна.

0  |  0
зочин(66.181.161.61) 2021 оны 02 сарын 16

энэ бүү мэд нөхрөөр хоёр жил үйлдвэр удирдууллаа за яах вэ ? мэргэжлийн байгууллагын дүгнэлт энэ тэрээ мэдээж байх нь гарцаагүй гэвч үйлдвэрлэл гардаж байгаа та нар ядахнаа барьцалдуулах чадамж бөх батын чанар гэх мэт наад

0  |  0
зочин(49.0.142.158) 2021 оны 02 сарын 15

Стандарт бус үйлдвэрт өчнөөн тэрбумыг үрж байхаар цахилгаан станцаа барьж энийг хаавал таарна. Ард түмэн нь өлөн зэлмэн байхад идэх хоолны гурилаа шатааж түлээд байхдаа яадгийн. Тэгээд ч шахмал түлшнээс болж өчнөөн хүн үхэхэд өөрсдөө буруу түлсэн хохь нь гээд хариуцлага хүлээгээгүй. ХЭҮК мэргэжлийн хяналт анхаармаар.

0  |  0
Зочин(202.126.90.67) 2021 оны 02 сарын 15

Битгии балай юм яриад бай энэ нөхөр эх орноосоо урваснаас хатуу ял үүрнэ хүрэлбаатар сэтгүүлч тууштай тултал яваарай наадуул чинь шахна танил талаар чинь гуйлгуулна мөнгө амлана өрөөнд чинь ирж уйлна бүгдииг нь баримтжуул

0  |  0
Зочин(103.10.23.129) 2021 оны 02 сарын 15

Түлшний чанар муудсан нь энэ нөхөртэй холбоотой шалгах газар бна уу шударга өрсөлдөөниийхөн манайд хамаагүй гэх вэдэн

1  |  0
bi(66.181.176.211) 2021 оны 02 сарын 15

Turshiltiin labortortoo guril,shohoi,erdeneshishee ileer shataaj uzsene uu.

1  |  0
123(202.9.46.105) 2021 оны 02 сарын 15

Чи ялаа үүрээд зайлаарай

3  |  2
Zochin(139.5.217.26) 2021 оны 02 сарын 15

Hoolnii guril

0  |  1
Top