ДОРНОД: Агын гудамжийг Читын гудамжны төв замтай холбоно

Дорнод аймгийн Авто замыг хөгжүүлэх хөтөлбөр, Чойбалсан хотын авто замын сүлжээг өргөтгөх ажлын хүрээнд аймгийн Орон нутгийн хөгжлийн сангийн 2022 оны хөрөнгө оруулалтаар Хэрлэн сумын 9 дүгээр IX багт “Агын гудамжийг Читын гудамжны төв замтай холбох хатуу хучилттай авто зам” барих ажлыг хэрэгжүүлэхээр төлөвлөөд байна.

Уг авто зам нь Агын гудамжны автозамын I сургуулийн зүүн талын уулзвараас зүүн тийш 10-р цэцэрлэгийн урдуур, орон сууцны 7-р байрны хойгуур Читын гудамжны хатуу хучилттай авто зам хүртэл 310 м урт, 6 өргөн, 2 талаараа явган хүний замтай цемент бетон хучилттай авто зам баригдана.