ДУНДГОВЬ: Цагаан суварга, Их газрын чулуунд отоглох цэг байгуулна

Засгийн газрын 2020-2024 оны үйл ажиллагааны хөтөлбөрийг хэрэгжүүлэх арга хэмжээний төлөвлөгөөнд улсын хэмжээнд 100 отоглох цэг байгуулахаар тусгагдсан. Үүний хүрээнд Улсын төсвийн 200 сая төгрөгийн хөрөнгөөр Дундговь аймгийн Өлзийт сумын Цагаан суварга, Гурвансайхан сумын Их газрын чулуунд тус бүр отоглох цэг байгуулахаар болжээ. 

Отоглох цэг нь тухайн газар нутгийн байгаль орчны нөхцөл байдалд тохирсон нэг ээлжид 100-аас багагүй хүн, 50-аас багагүй майхан барих талбайтай, бага оврын цэвэрлэх байгууламж бүхий нийтийн бие засах газар, машины зогсоол, гэрэлтүүлэг, сүүдрэвч, спорт талбайтай байх юм.