Элсэлтийн ерөнхий шалгалт Түүхийн шалгалтаар эхэлнэ

Боловсролын Үнэлгээний төвөөс Элсэлтийн ерөнхий шалгалтын хуваарийг албан ёсоор гаргасан байна. Тодруулбал, ЭЕШ Түүхийн хичээлийн шалгалтаар 6-р сарын 23-нд Улаанбаатар хотын цагаар өглөөний 10.00 цагт албан ёсоор эхлэх ажээ.

Шалгуулагч шалгалтад ирэхдээ дараах материалыг бүрдүүлж ирнэ. Үүнд:

• Иргэний үнэмлэх болон түүнтэй дүйцэхүйц баримт бичиг
• Бүртгэлийн хуудас / Энэ оны төгсөгч өөрийн бүртгэлийн дугаар, нууц үгээ ашиглан www.eec.mn цахим хуудасны шалгуулагчийн булангаас бүртгэлийн хуудсаа хэвлэн авч сурч буй сургуулийнхаа захирлаар гарын үсэг зуруулж, тамга даруулан баталгаажуулсан байх, өмнөх оны төгсөгчийн бүртгэлийн хуудас QR кодоор баталгаажсан байх тул шууд хэвлэн авна/
• Суудлын хуваарь /та өөрийн бүртгэлийн дугаар, нууц үгээ ашиглан www.eec.mn цахим хуудасны шалгуулагчийн булангаар нэвтэрч хэвлэж авна/
• Бүрэн дунд боловсролын гэрчилгээ гэх мэтийг бэлдсэн байх шаардлагатай юм. 

Түүнчлэн шалгуулагч нь шалгалтад дээр заасан баримт бичгээс өөр эд зүйл /ном, дэвтэр, бугуйн цаг, ноорог цаас, тооны машин, томьёоны хураангуй, бал, гар утас ...гэх мэт/ авч орохыг хориглох юм.