ДОРНЫН ЗУРХАЙ: Тахиа, могой жилтнээ ЭЕРЭГ сайн
Аргын тооллын 4 сарын 13, Бархасвадь гараг. Билгийн тооллын 23
ХАВРЫН ДУНД ХӨХӨГЧИН ТУУЛАЙ САРЫН ГУРВАН ХӨХ МЭНГЭТЭЙ, ЦАГААГЧИН ҮХЭР ӨДӨР
- Үс засуулвал: Эд эдлэл идээ ундаа олдоно
- Наран ургах, шингэх: 06.08-19.38
- Барилдлага: Үл тохирох
- Шүтэн барилдлага: Авахуй
- Суудал: Шороо
Аргын тооллын 4 сарын 13, Бархасвадь гараг. Билгийн тооллын 23, Элдэв тэнгэртэн одтой, цагаагчин үхэр өдөр. Энэ өдөр тахиа, могой жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.
Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, лус тахих, мал арилжих, буг дарах, газрын ам бооход сайн. Цөөрөм байгуулах, байшингийн суурь тавих, угаал үйлдэхэд муу.
Өдрийн сайн цаг нь бар, туулай, могой, бич, нохой, гахай болой. Хол газар яваар одогсод баруун зүгт мөрөө гаргавал зохистой. Үс шинээр үргээлгэх буюу засуулбал эд, эдлэл, идээ, ундаа олно.
Холбоотой мэдээ
Сэтгэгдэл ( 0 )