ДОРНЫН ЗУРХАЙ: Үс засуулбал эрч, хүч ихсэнэ

Аргын тооллын 5 сарын 18, Санчир гараг. Билгийн тооллын 10

ЗУНЫ ТЭРГҮҮН ШАРАГЧИН МОГОЙ САРЫН ДОЛООН УЛААН МЭНГЭТЭЙ, ХАР МОРЬ ӨДӨР

• Үс засуулбал: Эрч хүч ихэснэ.
• Наран ургах, шингэх: 05.10-20.28
• Барилдлага: Үл тохирох   
• Шүтэн барилдлага: Тийн мэдэхүй   
• Суудал: Төмөр

Аргын тооллын 5 сарын 18, Санчир гараг. Билгийн тооллын 10, Харцага одтой, хар морь өдөр. Тухайн өдөр бар, нохой жилтнээ аливаа үйлийг хийхэд эерэг сайн ба гахай, хулгана жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.

Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, гарагийг тахих, тангараг тавихад сайн. Гэр бүрэх, хэрүүл тэмцэл хийх, улаа гаргах, хиншүү хярвас гаргах, хүүхэд хөлд оруулахад муу.

Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод баруун урагш мөрөө гаргавал зохистой. Үс шинээр үргээлгэх буюу засуулбал эрч, хүч ихсэнэ.