Гал зогсоож, зарим нутгаа Орост өгөхөд бэлэн байгаагаа илэрхийлжээ

Украины зэвсэгт хүчний цэргийн албан хаагчдын олонх нь гал зогсоож, нутаг дэвсгэрийнхээ зарим хэсгийг Орост өгөхөд бэлэн байна гэж Их Британийн The Economist сэтгүүл Украины цэргийнхнийг иш татан мэдээлсэн байна.

“Украины зэвсэгт хүчин удахгүй хэд хэдэн чиглэлд ухрахад хүрэх ба энэ нь тэргүүн шугамд тулалдаж байгаа цэргийн албан хаагчдын сэтгэл санааны байдалд нөлөөлнө” гэж Украины цэргийнхэн үзэж байгаа ажээ. Тэдний бодож байгаагаар, мөргөлдөөнөөс гарах цорын ганц арга зам нь гал зогсоох явдал юм байна. Цэргийн анги нэгтгэлийнх нь бие бүрэлдэхүүний 70% нь нутаг дэвсгэрийнхээ зарим хэсгийг өгөхөд бэлэн байгаа тухай The Economist сэтгүүлийн сурвалжлагчтай ярилцсан Украины армийн нэгэн офицер мэдэгдсэн байна. Гол шалтгаан нь зэвсэгт мөргөлдөөнөөс залхсанд оршиж байгаа ажээ.