Зоос банкны удирдлагуудыг өнөөдөр шүүнэ

“Зоос” банкны 113 дугаар салбарын захирал Ж.Алтанцаг, Гадаад дахь төлбөр, тооцоо хариуцсан санхүүгийн албаны дарга П.Сэлэнгэ нарт холбогдох хэргийг өнөөдөр 14.00 цагт Чингэлтэй дүүргийн шүүхэд шүүнэ.

Тэднийг бусдын эд хөрөнгө завшсан, хуурамч баримт бичиг, тамга тэмдэг, хэвлэмэл маягт үйлдсэн зэрэг үндэслэлээр Эрүүгийн хуулийн 150.3, 233.2-т зааснаар буруутгаж буй.

Өмнөх шүүх хурлууд улсын яллагч солигдсон, өмгөөлөгч гадаад явсан, шүүгч сургалтад суусан зэрэг шалтгаанаар хэд хэдэн удаа хойшилсон байсан юм. Хуралд даргалагч шүүгчээр И.Ганбат  оролцохоор болжээ.

Х.Заяа