Гавъяат тамирчин Ч.Болдбаатар охины хамт уулын ангал руу унаснаас хойш сураггүй алга болжээ

Уулын спортын олон улсын хэмжээний мастер, гавьяат тамирчин Ч.Болдбаатар Баян-Өлгий аймгийн нутаг, Алтай Таван богд  ууланд авираад буцаж явахдаа осолдсон тухай мэдээлэл бид өмнө хүргэж байсан билээ.

Өнгөрсөн долоо хоногийн сүүлчээр цагдаагийн байгууллагад түүний ар гэрийнхэн нь Ч.Болдбаатарыг осолдсон тухай дуудлага өгсөнөөр эрэлийн багийнхан хайж эхлээд байгаа. Гавъяат тамирчин Ч.Болдбаатар 28 настай төрсөн охин Б.Үүрцайхын хамт явж байсан бөгөөд охины яриагаар бол хамт ангал руу унажээ. Охиныг ухаан орох үед аав нь ор сураггүй алга болсон байсан гэнэ. Гэхдээ охин энэ талаар янз бүрийн мэдээлэл өгч байгаа. Учир нь тэрээр шоконд орж, сэтгэлзүйн хэвийн бус байдалтай байгаа аж.