Уулчин Л.Болдбаатарыг хайх ажил өнөөдөр эхэлнэ

Алтай Таван Богд ууланд сураггүй алга болсон уулчин Л.Болдбаатарыг хайх ажил өнөөдөр Малчин уулаас эхэлнэ. Монгол Улсын Гавьяат тамирчин, уулын спортын ОУХМ тэрбээр охин Б.Үүрцайхын хамт авираад буцах замдаа хавцал руу унаж алга болсон аж.

Малчин уулын орчимд Баян-Өлгий аймгийн Онцгой байдлын газрын 40 гаруй хүний бүрэлдэхүүнтэй эрлийн баг болон уулчид ажиллаж байна. Уул руу өгсөх тусам хад асга, чулуу ихтэй, цасаар шуурч байгаа тул шөнө оройн цагаар эрэл хайгуул явуулах боломжгүй байгаа аж. Тиймээс эрлийн багийнхан маргааш өглөө эртлэн Малчин уул руу авирахаар төлөвлөж байна.