Компьютерын гаралтай шинэ өвчин гарчээ

Анагаах ухаанд "ком­пью­­терийн бөгтөр" хэмээх шинэ өвчин гарч иржээ. Компьютерийн ард удаан хугацаагаар тасралтгүй суудаг хүмүүс ийм өвчинд нэрвэгддэг болохыг эрдэм­тэд тогтоогоод бай­гаа юм. Хэрэв компью­терийн ард өдөрт завсар­лагагүй гурваас дээш цаг суувал таны мөр болон цээжний хөгжил зогсонги байдалд орох аюултай. Улмаар хүзүүний хэсэгт овойж хатууран бөгтрөг­тэй болно гэсэн үг. Энэ өвчин орчин цагт нийг­мийн үзэгдэл болоод буйг эрдэмтэд анхааруулж бай­на. Дан ганц компью­тер гэлтгүй гар утсаараа тоглож, үргэлж  оролддог хүмүүс ч үүнийг санахад илүүдэхгүй.

"Компьютерийн бөг­төр" өвчин монголчуудын дунд нэлээд дэлгэрэх нь тодорхой.  Яагаад гэвэл манайхны компьютерийн хэрэглээ дэлхийн улс орнуу­даас илүү гэдгийг судалгааны дүн харуул­даг. Дийлэнх нь зохиол бүтээл туурвиж, техноло­гийн нээлт хийх гэж ком­пьютерийн ард удаан суу­даг­гүй. Харин цахим ертөнцөөр тэнэж, хэн нэгэн рүү бүүрэлхэн дайрч, нэргүй сэтгэгдэл бичих зэргээр дором­жил­дог. Энэ мэт компью­терийн ард суух өдрийн нормоо хэтрүүлчихдэг хүмүүс Улаанбаатарт олон бий. Алтан цагаа баран байж онлайнаар бусдыг гутаасан жиргээ­чид энэ үйлдлийнхээ хариуд ууцан дээрээ овгор бөгтрөгтэй морьхон шиг болцгоох нь.

Тав, арван жилийн дараа нэг сая гаруй хүн амтай хотын маань гудамж бөгтрөгтэй хар­чууд, хүүхнүүдээр дүүрэх нь ээ.