Суудлын авто машин автобустай мөргөлдсөн ноцтой осол гарчээ

Өчигдөр 16.00 цагийн үед Дарь-Эхийн замд суудлын авто­ма­шин том оврын авто­бустай мөргөлдсөн ноцтой осол гарчээ.  Хотын төвөөс Дарь-Эхийн чиг­­лэлд зорчиж явсан "Ав­то­бус-3" ком­па­нийн 0384 УБЧ дугаартай III, IV  хороолол Тоосгоны үйлдвэр чиглэлийн автобусыг хөдөлгөөнд орол­цож явахад нь гэнэт "Соната-4" мар­кийн саарал өнгийн сууд­лын жижиг  тэрэг урсгал сөрөн орж иржээ. Ингэхдээ нэлээд хурдтай орж ирсэн байна. Энэ үед автобусны жо­лооч сандарсандаа хурд саа­руулагчаа огцом гишгэж ба­руун гар тийш жолоогоо дарж хаш­лага тулж зогсох үйлдэл хий­сэн байна. Яг энэ үед жижиг тэрэг эрчтэй ирж мөргөжээ. 1969 УБТ улсын дугаартай  "Соната-4" сууд­лын машин хурдтай явсан учраас мөргөх үедээ зам дээр бүтэн эргэж дахин хам­раараа автобусын урд хэс­гийг мөргөсөн аж. Тухайн үед машинд жолоочоос өөр зор­чигч байхгүй байжээ. Харин авто­бусанд 20 гаруй хүн зорчиж явсан байна. Мөр­гөлдөх үед автобус огцом зогс­соны улмаас зарим иргэд суудлаасаа унах буюу цон­хоо мөргөжээ. Гэхдээ ноц­той гэм­тэж бэртсэн хүн байхгүй аж. Бага насны нэг хүүхэд байсан бөгөөд дор­гилтоос үүдсэн гэмтэл одоо­гоор тодорхойгүй байгаа гэнэ. Суудлын авто машины жолооч ослын үед хамрандаа хүнд гэм­тэл авч, нүдэнд нь цус хур­сан байдалтай байв. Мөн баруун хөлний өсгийний яс цуурсан байжэ. Өөр ил ха­раг­дах шарх сорвигүй хэдий ч эмнэлэгт хүр­гэгдсэн юм.  Ослын улмаас хоёр цаг орчим замын хөдөлгөөнд түгжрэл үүс­сэн бөгөөд тэр хавийн оршин сууг­чид цугларсан бай­лаа. Зарим иргэ­дийн ярьж буйгаар суудлын ма­шин түгжирсэн замаас гэнэт хурд нэмэн гарч сөрөг урсгалд орсон гэсэн юм. Авто­бус хурд хэтрүүлж явсан гэх хүмүүс ч байсан. Ер нь Дарь-Эхийн чиглэлд явдаг автобуснууд хурд хэт­рүү­лэх, машинтай өрсөлдөж явах нь олонтой гэнэ. Түүнчлэн энэ чиглэ­лийн замын хувьд нарийхан учраас ихэнх­дээ түгжрэл үүсдэг бөгөөд мик­ро автобус болон залуухан жолооч нар урсгал сөрөх үзэгдэл элбэг гардаг байна. Ямартай ч ослын шалтгааныг цагдаагийнхан тодорхой гар­га­хаар ажиллаж байгаа аж.