Хүнсний ногооноос пестицид илэрсэн ч зөвшөөрөгдөх хэмжээнээс даваагүй байсан гэв

Монголд тарьсан хүнсний ногоо, жимс жимсгэний 40 хувь, Хятадаас импортолсон ногооны 80 хувь нь химийн хорт бодистой байгааг ЭМШУИС-ийн судалгааны баг тогтоосон тухайгаа мэдээлж байсан. Тус сургуулийн багш доктор, профессор З.Ичинхорлоогоор ахлуулсан судалгааны баг өнгөрсөн оны тавдугаар сараас эхлэн шинэ ургацын болон өнжсөн хүнсний ногоо, жимс жимсгэний дээжинд судалгаа шинжилгээ хийжээ. Дээж авсан хүнсний ногоо, жимс жимсгэнээс пестицид гэх бодисын үлдэц маш ихээр илэрсэн гэнэ. Пестицид гэдэг нь ургамлын хортон шавьж ба өвчин үүсгэгч, хог ургамал, үр, буудай, мод, хөвөн эдлэл, арьс, нэхий зэргийн хортон, гэрийн тэжээмэл амьтны эктопаразитууд болон хүн ба амьтны аюулт өвчний тээгчүүдтэй тэмцэхэд зориулагдсан химийн бодис аж.

Гэтэл өнөөдөр МХЕГ болон ХХААЯ зэрэг холбогдох байгууллагуудаас энэ талаар мэдээлэл хийлээ. Тус байгууллагуудын төлөөлөгч нар ингэж ярьж байна.“ Хүнсний ногооноос пестиц илрэх нь  илэрсэн. Гэхдээ энэ илэрсэн пестицийн хэмжээ зөвшөөрөгдөх дээд хэмжээнээс даваагүй буюу эрсдэлгүй байна гэж гарсан. 2013 онд ЭМШУИС судалгаа хийгээд  дүнгээ гаргасан учраас бид бас дахин судалгаа хийх шаардлагатай. Энэ судалгааг хийхдээ нэлээд өндөр мэдрэмжтэй лабортороор судалгаагаа хийнэ гэсэн төлөвлөгөөтэй байна. Мөн 21 аймаг хилийн 8 бооомт мэргэжлийн хяналтын ерөнхий газарын үндэсний лавлагаа лабортор гэсэн лаборторууд хяналтын шинжилгээ хийдэг.  Үндэснийхээ төмс хүнсний ногоонд бүх төрлийн шинжилгээг бүрэн гүйцэт хийж байна. Манай шинжилгээ олон улсын хэмжээнд хүлээн зөвшөөрөгдсөн шилээр хийгддэг. Өнгөрсөн оны байдлаар жимс жимсгэний 75 үзүүлэлтээр эрүүл ахуйн шаардлага хангаагүй  зүйл илрээгүй. Хүнсний ногооноос илэрсэн Пестицид зөвшөөрөгдөх хэмжээнээс  даваагүй байсан юм” гэлээ.

Н.Ганаа