30 мянган жилийн настай вирус сэргэжээ

Гучин мянга гаруй жил унтаа байдалтай байсан эртний вирус "амьдралд эргэн ирлээ" гэж эрдэмтэн судлаачид хэллээ.

Сибирийн мөнх цэвдгийн гүн давхаргад уг вирусийг хөлдсөн байхыг илрүүлсэн байна. Гэхдээ энэ вирус гэссэнийхээ дараа дахин идэвхжсэн аж.
Францын судлаачдын хэлснээр, энэ халдварт вирус нь хүн, амьтанд аюулгүй ч газарт ил байдаг бусад вирусийг өдөөж болзошгүй гэнэ.
Уг судалгаа "Proceedings of the National Academy of Sciences" сэтгүүлд хэвлэгджээ.
Францын Экс-Марселийн их сургуулийн Шинжлэх ухаан судлалын төвийн профессор Жан-Мишель Клаверигийн хэлснээр, ийм урт хугацаанд унтаа байдалтай байсан вирус өнөө хэр нь халдвартай байгаа нь анхны тохиолдол юм.