Монгол Улсын Ерөнхийлөгчийн зарлигаар А.Гансүхийг ҮАБЗ-ийн Нарийн бичгийн даргаар томилов
Монгол Улсын Ерөнхийлөгч Х.Баттулга зарлиг гаргаж Амаржаргалын Гансүхийг Монгол Улсын ҮАБЗ-ийн Нарийн бичгийн даргаар томилов.
Монгол Улсын ҮАБЗ-ийн Нарийн бичгийн даргаар ажиллаж байсан Ц.Энхтүвшин төрийн өөр ажил, албан тушаалд томилогдож байгаа тул А.Гансүхийг ийнхүү ҮАБЗ-ийн Нарийн бичгийн даргаар томилсон байна.
Монгол Улсын ҮАБЗ-ийн тамга, Монгол Улсын үндэсний аюулгүй байдлын үзэл баримтлалыг А.Гансүхэд гардуулах үеэрээ Ц.Энхтүвшин “ҮАБЗ-ийн Нарийн бичгийн дарга бол Монгол төрийн хар хайрцагны бодлого, төрийн аюулгүй байдлын хамгийн нарийн нандин бүхнийг хариуцаж ажиллаж байх ёстой.
Монгол Улсын аюулгүй байдал гэдэг бол Монгол Улсын тусгаар тогтнол, хил хязгаарын халдашгүй дархан байдал, нутаг дэвсгэрийн бүрэн бүтэн байдал, Монгол төрийн тасралтгүй үйл ажиллагаа, монгол хүний эрүүл, аюулгүй орчинд аж төрөх нөхцөл байдлын асуудал юм. Монгол Улсын үндэсний аюулгүй байдлын үзэл баримтлал бол Монгол Улсын Үндсэн хуулийн дараа орох, бидний баримталж явах ёстой гол бичиг баримт юм. Та Монгол Улсын үндэсний аюулгүй байдлын үзэл баримтлалыг байнга сахин хамгаалж яваарай. Цаашдын ажилд тань хамгийн сайн сайхныг хүсэн ерөөе” гэлээ.
Эх сурвалж: PRESIDENT.MN
Холбоотой мэдээ
Сэтгэгдэл ( 2 )
Арай ч дээ. Монгол төр ингэж доройтох гэж дээ. Одоогийн ерөнхийлөгч Х. Баттулгатай хуйвалдан олон тэрбумын хэрэгт холбогдолтой ялтан хүн хүн шүү дээ. Х. БАттулга, Гансүх нар нь Монголын ард түмний итгэлийг хөсөрдүүлж ард түмний хөрөнгө хулгайлсан ялтанууд шүү дээ. Ээ бүзгэд гэж дээ. Монголд юу л болоод байна даа.