ИТХ-ын дарга Д.Бауыржан, Засаг дарга А.Гылымхан нарыг огцруулж магадгүй
Баян-Өлгийн аймгийн Иргэдийн Төлөөлөгчдийн Хурал дахь Ардчилсан намын бүлгийн 16 Төлөөлөгч аймгийн Засаг даргыг хууль зөрчсөн, чиг үүргээ хэрэгжүүлж чадаагүй гэх үндэслэлээр хугацаанаас нь өмнө огцруулах саналыг энэ сарын 16-нд аймгийн ИТХ-ын дарга Д.Бауыржанд өргөн барьсан юм. Энэ сарын 30-ны өдөр АН-ын 16, МАН-ын 6 Төлөөлөгч ээлжит бусаар хуралдаж Засаг даргаа огцруулах шийдвэр гаргасан. Гэвч уг хуралдааныг ИТХ-ын дарга Д.Бауыржан хууль бус гэж үзэн шийдвэрийг хүчингүйд тооцсон. Ирэх долоо хоногийн Даваа гарагт ИТХ-аа хуралдуулахаар товложээ. Эх сурвалжийн хэлснээр МАН-ын бүлгээс дахин гурван Төлөөлөгч Засаг даргаа огцруулахад нэгдэхээр болсон учир Төлөөлөгчдийн тооны харьцаа 25:14 болсон аж. Ингэснээр Баян-Өлгий аймгийн ИТХ-ынхан Засаг дарга А.Гылымханыг огцруулаад зогсохгүй ИТХ-ын дарга Д.Бауыржаныхаа суудлыг ч ганхуулж магадгүй нөхцөл байдал үүссэн байна.
Д.Анар
Холбоотой мэдээ
Сэтгэгдэл ( 0 )