НИТХ-ын дарга С.Амарсайхан иргэд, ТББ-ын төлөөллийг хүлээн авч уулзлаа

Монгол улсын хүн амын 50 -иас доошгүй хувь нь  амьдарч  байгаа Улаанбаатар  "Их хот"-ын  хувьд олон асуудал дагуулдаг. Иргэд НИТХ-ын даргатай уулзах санал хүсэлтийг цөөнгүй гаргадаг. Эдгээр хүсэлтүүдэд үндэслэн НИТХ-ын дарга С.Амарсайхан өнөөдөр НЗДТГ-ын "А" танхимд  иргэд, ТББ-ын төлөөлөгчдийг  хүлээн авч уулзлаа. Уулзалтын үеэр иргэд, ТББ-уудын төлөөлөл хувийн болон албаны  шинжтэй хүсэлтүүдийг гарган шийдвэрлэж өгөхийг хүслээ.

НИТХ-ын дарга С.Амарсайхан иргэд, олон нийтийн байгуулагын төлөөлөлтэй нэг бүрчлэн уулзаж, санал хүсэлтийг нь хууль, журмын хүрээнд  шийдвэрлэх  боломжтой асуудлуудыг холбогдох газруудад нь уламжилна гэдгээ хэллээ.