Монгол Улсын Ерөнхийлөгч Х.Баттулга өнөөдөр Монгол Улсын Их хурлын дарга М.Энхболдод Элчин сайдыг эгүүлэн татах, томилох асуудлаар зөвшилцөх тухай саналаа хүргүүллээ.
Монгол Улсын Ерөнхийлөгч Х.Баттулгын зөвшилцөх саналд:
- Монгол Улсаас Шведийн Вант Улсад суугаа Онц бөгөөд Бүрэн эрхт Элчин сайд Мэндсайханы Энхсайханыг эгүүлэн татаж, Шведийн Вант Улсад суух Онц бөгөөд Бүрэн эрхт Элчин сайдаар Очирын Энхцэцэгийг,
- Их Британи, Умард Ирландын Нэгдсэн Вант Улсад суугаа Онц бөгөөд Бүрэн эрхт Элчин сайд Санжаагийн Баярыг эгүүлэн татаж, Их Британи, Умард Ирландын Нэгдсэн Вант Улсад суух Онц бөгөөд Бүрэн эрхт Элчин сайдаар Нархүүгийн Тулгыг,
- Япон Улсад суух Онц бөгөөд Бүрэн эрхт Элчин сайдаар Дамбадаржаагийн Батжаргал,
- Канад Улсад суух Онц бөгөөд Бүрэн эрхт Элчин сайдаар Ядмаагийн Ариунболд нарыг тус тус томилох асуудлыг зөвшилцөхөөр саналд тусгасан байна.
Сэтгэгдэл ( 5 )
Боломжийн мэргэжлийн хүмүүс байх шиг байна аа. Харин тэр Японы Батжаргалын эхнэр гэж нэг даварсан авгай байдаг тухай амтай бүхэн л ярьдаг юм билээ. Элчин сайдын яаманд ах дүү нараа цуглуулж байгаа, томчуудын эхнэрийг торго, шүр, сувдаар цатгаж суудаг, үндсэндээ ЭСЯ-аа атгаж мөнгийг нь барьдаг хүн гэсэн.
ТӨРД ХЭН ХЭЗЭЭ ШУДАРГА ЦЭВЭРЛЭГЭЭ ХИЙХ БОЛ ?
Umnud Solongosiin elchin saidaar hen ajillaj baigaa yum be?
Оросын хүргэн Баттулга их тагнуулч Хурцыг Солонгост томилж,худалч оффшорчин Цогтбаатар дэмжин санал илгээгээд одоо хүртэл хариу балдаггүйээ!