Монгол, Узбекистаны хэлэлцээ маргааш болно

Монгол Улсын Гадаад харилцааны дэд сайд Батмөнхийн Батцэцэг тэргүүтэй манай ГХЯ-ны төлөөлөгчид Узбекистан улсад айлчилж байна.
 

Маргааш /2019.04.10/ Ташкент хотноо Монгол, Узбекистан улсуудын ГХЯ хоорондын гэрээ хэлэлцээ явагдах юм.

“Мөн Монголын төлөөлөгчид Хөрөнгө оруулалт болон ХААЯ, Гадаад худалдааны яам, Аялал жуулчлалын газар, ХАҮТ-д зочилно” гэж Узбекистаны ГХЯ-наас мэдээллээ. Дараа нь манай төлөөлөгчид Тажикистан улсад энэ сарын 13-16-нд ажиллах юм.