Өмнөговь аймгийн 19 иргэн нүдний болор суулгах хагалгаанд орлоо

Монгол Улс, БНХАУ дипломат харилцаа тогтоосны 70 жил, Монголын Улаан загалмайн нийгэмлэгийн түүхт 80 жилийн ой, БНХАУ-ын "Нэг бүс, нэг зам Гэрэлт зам аян"- ны хүрээнд Өмнөговь аймгийн харъяат 19 өндөр настанд нүдний уян болор суулгах мэс ажилбарыг ӨМӨЗО-ны Баяннуур аймагт амжилттай хийлгүүлээд аймагтаа ирлээ. Тус ажлыг Өмнөговь аймгийн ЗДТГ, ЭМГ, ӨМӨЗО-ны удирдлагууд дэмжин хамтран ажилласан юм. Хорвоог илүү гэрэл гэгээтэй харах боломжтой болсон иргэд маань сэтгэл хангалуун гэртээ ирж тэднийг аймгийн ИТХ-ын дарга Х.Сугир угтан авч баяр хүргэн, эрүүл энхийг хүсэн ерөөлөө.