ЧУУЛГАН: Үндсэн хуулийн хэлэлцүүлэг эхэлсэн ч түр зогсоод байна

Монгол Улсын Үндсэн хуульд оруулах нэмэлт, өөрчлөлтийн төслийн хоёрдугаар хэлэлцүүлгийг УИХ-ын ээлжит бус чуулганы нэгдсэн хуралдаанаар хэлэлцэж эхэллээ. Тус хуралдааныг энэ долоо хоногийн даваа гарагаас эхлэн зарлаад байсан ч ирц бүрдээгүйн улмаас ийнхүү өнөөдөр /2019.08.28/ ирвэл зохих 75 гишүүнээс 62 нь ирснээр хуралдах боломжтой болсон юм.

Гэсэн хэдий ч 11:00 цагт зарласан чуулганы нэгдсэн хуралдаан 12:50 цагт техникийн нөхцөл байдлаас шалтгаалан хэлэлцүүлэг түр зогсоод байна.

Техникийн сааталтай холбогдуулан УИХ-ын дарга Г.Занданшатар “Санаатай хорлон сүйтгэх ажиллагаа гэж үзэхээс аргагүй байна. Техникийн хэлтсийн дарга ажилдаа анхаар” хэмээн хэллээ.