ӨРНИЙН ЗУРХАЙ: Хилэнцийнхний оргил өдөр

2019 оны 10 сарын 30

Хонь

Үл ойлголцол, хэрүүл маргаан гарах магадлалтай тул та эрч хүчээ гамнаарай. Өнөөдөр таны өмнө олон асуудал тулгарах болно. Уран бүтээлч хонинуудад сайн өдөр. Бизнес эрхлэгчид энэ өдөр эхэлсэн ажлаа заавал дуусгахыг зөвлөж байна. Маш хатуу чанга байх ёстой өдөр.

Үхэр

Уран бүтээлийн ажил эрхэлдэг эрэгтэй үхрүүдэд таатай өдөр. Тэд өнөөдөр олон нийтийн анхаарлын төвд байж, урьд өмнө хүрч чадаагүй байсан олон зүйлийг гартаа оруулж чадна. Та хурц ухаан, соргог мэдрэмжээрээ хүнд байдлаас гарч чадна. Эмэгтэй үхрүүд ажил төрлөө сайн зохицуулж, хүч чадлаа зөв хуваарилах хэрэгтэй. Тэсвэр хатуужилтай байвал танд хэн нэгнээс санхүүгийн тусламж ирэх магадлалтай.

Ихэр

Бизнес эрхлэгч эрэгтэй ихрүүдэд таагүй өдөр тул болгоомжтой байгаарай. Таны эрч хүч буурч, ядран, стресст орох болно. Анд найзуудаасаа тусламж авч, энэ өдрийг даван туулаарай гэж од гараг танд зөвлөж байна. Шантрахгүй, зоригтой байгаарай.

Мэлхий

Өнөөдөр сэтгэл зүйн дэвшилттэй өдөр. Харамсалтай нь ажил дээр чинь асуудал гарах магадлалтай.Хувийн амьдралд чинь гэнэт хямрал гарах ч бүү эмээ. Сайн мэдэхгүй ажлаа хийх гэж оролдоод хэрэггүй, амжилтад хүрэхгүй тул ажлаа хойшлуулаарай.

Арслан

Өнөөдөр эр зориг, тэсвэр хатуужил шаардлагатай өдөр. Бусдыг удирдах, захирах гэсэн хүсэл тань маш олон асуудал авчирна. Бие муудаж, эмнэлэгт очих болно. Эрүүл мэндээ сайн бодоорой. Тоглоом биш шүү.

Охин

Уран бүтээлчдэд ээлтэй сайн өдөр. Энэ сайн өдрийг үр ашиггүй өнгөрүүлж болохгүй. Шинэ уран бүтээл эхэлж, шинэ хүмүүстэй танилцаарай. Харин бизнес эрхлэгчид цагийн хуваариа зөв гаргаж, эхэлсэн ажлаа дуусгах хэрэгтэй. Гэрт харилцан ойлголцсон, халуун дулаан уур амьсгалтай. Санхүүгийн тусламж ирнэ.

Жинлүүр

Худалдаа наймаа хийх, ашигтай худалдан авалт хийхэд ээлтэй өдөр. Шинэ хүмүүстэй танилцах өдөр. Та ухаан чадлаа бүрэн харуулж, шинэ танилууддаа магтуулах болно. Өнөөдөр хийсэн ажилдаа сэтгэл дундуур, бага зэрэг ядарна. Ойр дотнын хүмүүстэйгээ уулзаарай.

Хилэнц

Таны оргил өдөр. Шинэ үйлс бүтээмээр санагдах, эрч хүчтэй өдөр. Таны ур чадвар, ухаан мэдлэг шинэ боломж нээж өгнө. Гэр бүлд халуун дотно уур амьсгалтай. Энэ өдрийг хүүхдүүдтэйгээ хамт өнгөрүүлбэл сайн. Та маш их эрч хүч авах болно.

Нум

Таагүй муу өдөр. Од эрхэс таныг өнөөдөр хэт хичээлгүй, хүч чадлаа зөв хуваарилахыг зөвлөж байна. Гэхдээ өглөө эхэлсэн ажлаа үдэш нь дуусгавал зохино. Мэдрэмж, чадвараа ашиглах хэрэгтэй.

Матар

Эхэлсэн ажлаа дутуу орхиж болохгүй. Ухралгүй, урагш тэмүүлээрэй. Тодорхой зорилготой, шаргуу тэмцвэл та амжилтад хүрнэ. Өнөөдөр бусдын нөлөөнд орж болохгүй өдөр тул олон хүнтэй газраас хол байгаарай. Аалз зүүдэлбэл хуримын сүй цуцлах, өвчин тусахын шинж.

Хумх

Алдаагаа хүлээж, уучлал гуйх өдөр. Амьдралын эрч хүч тань үргэлж дээшээ байх тул таны уран бүтээл, ажил амжилттай сайн байх болно. Сүм хийдэд очиж, хүүхэд, хөгшчүүлд буян хийх, туслах ажил хийвэл сайн.

Загас

Уран бүтээл туурвих, ойр дотнын хүмүүстэйгээ уулзаж, учрахад сайн өдөр. Өчигдрийн таатай мөчүүд өнөөдөр ч үргэлжилнэ. Ихэнх загасны сэтгэл хөдөлж, уярах болно. Энэ сайхан өдрийг гэр бүл, ойрын хамаатнууддаа зориулаарай. Тэдэнд бэлэг өгч, магтаалын үгээр харамгүй шагнаарай.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Y6(64.119.24.238) 2019 оны 10 сарын 30

678

0  |  0
Top