Германы шүүх хар тамхи тээвэрлэсэн Б.Баттүшиг нарыг энэ сарын 09-нд шүүнэ

Автор | Zindaa.mn
2019 оны 12 сарын 07

ХБНГУ-ын Дрезден хотод 70 кг хар тамхи дипломат машинаар тээвэрлэж яваад баригдсан Б.Баттүшиг, С.Эрдэнэбаяр нарыг шүүх хурлын хоёр дахь хэлэлцүүлэг энэ сарын 09-нд болох тов гарчээ.

Шүүх хурлын эхний хэлэлцүүлэг Дрезден хотын тойргийн шүүхэд арваннэгдүгээр сарын 18-ны өдөр эхэлсэн юм. Шүүх хуралдааны үеэр хэрэгт холбогдогч Б.Баттүшиг “Би тагнуулын ажилтан, Тухайн үед нууц ажиллагаа явуулж байсан” гэх утгатай мэдүүлэг өгсөн талаар "Bild" сэтгүүл мэдээлсэн билээ.

Хэргийг сануулахад, энэ оны тавдугаар сарын 03-ны өдөр Б.Баттүшиг болон С.Эрдэнэбаяр нар дипломат албаны Мерседес Бенц маркийн автомашинаар 70 кг хар тамхи тээвэрлэж яваад баригдсан юм. Монгол Улсаас Истанбул хотод суугаа Ерөнхий консулын газрын дэд консул Б.Баттүшиг, жолооч С.Эрдэнэбаяр нарийг Дрезден хотын цагдаагийн газар цагдан хорьсон билээ.  Тус бүр нь 500 граммаар боосон 140 багц хар тамхины ханш гурван сая евро болж байсан юм.

 

Сэтгэгдэл ( 4 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Я (64.119.21.97)  2019 оны 12 сарын 08

Соёлтой орны хууль шүүхийнхэн шударга гэмт хэргийг үнэн зөв хурдан шийддэг сайхан юмаа

2  |  0
Зочин (66.181.161.17)  2019 оны 12 сарын 10

Тэндээ шоронд хатаж үхвэл таарна

3  |  1
бодлын хулгайч (66.181.167.53)  2019 оны 12 сарын 08

ИЧДЭГГҮЙ ЮМ БАЙХ ДАА. ТЭГЖ ХЭЛЭХЭЭР СУЛЛАНА ГЭЖ БОДСИЙН БАЙХ ДАА. МОНГОЛ ТӨРИЙН ЧУХАЛ АЛБАНЫ НЭР БАРИАД ЯАСАН ЗЭВҮҮН ХОГ ВЭ.

4  |  0
харамсалтай (66.181.177.219)  2019 оны 12 сарын 07

МОНГОЛын хуулийнхан ингэж шуурхай ажилладаг болоосой. ХУУЛИЙН байгууллагуудаа өөрчлөхгүйгээр авлигачдыг төрөөс холдуулж чадахгүй дээ. УДИРДЛАГЫГ сольсон шүүх, прокурорууд ӨӨРЧЛӨЛТ хийж мэдрэгдсэн зүйл алга. ЕРӨНХИЙЛӨГЧ шүүгч нарын бүрэлдэхүүнийг өөрчлөх талаар олигтой зүйл ч хийсэнгүй

3  |  0
Top