Жансу Дере шинэ хайртай учирчээ

2020 оны 01 сарын 29

Туркийн хамгийн алдартай, өндөр өртөгтэй жүжигчдийн нэг, “Ээж” киноны Зейнепийн дүрээр нь бидний сайн мэдэх Жансу Дере өдгөө 40 настай.

Өмнө нь жүжигчин Жем Йылмазтай зургаан жил гаруй үерхсэн ч найз залуу нь сайн найзтай нь гэрлэснээр сэтгэл нь ихэд шархалсан Жансу хэсэг хугацаанд гаднын орнуудаар аялжээ. Удалгүй дахин нэг одтой хайр сэтгэлийн харилцаа үүсгэсэн ч хамтын амьдрал болоогүй юм.

Тэгвэл саяхнаас Жансуг найз залуутай болсон гэх мэдээлэл гарчээ. Гэхдээ жүжигчин бүсгүй хувийн амьдралаа олноос машид нууцалдаг нэгэн. Папарацууд түүний найз залуугийн зургийг авах нь бүү хэл нэрийг нь ч мэдэж чадаагүй байна. Мөн Жансу сэтгүүлч нар түүний хувийн амьдралын талаар бичихэд их дургүй.

Туркийн зарим хэвлэл мэдээллийн хэрэгслүүдэд бичсэнээр Жансугийн шинэ найз залуу нь түүний тав дахь хайр аж. Жүжигчин бүсгүй маш нууцлаг амьдардаг ч үүнээс өмнө дөрвөн залуутай хайр сэтгэлийн харилцаа үүсгэж байсан нь ил болжээ.
 

Жансу болон жүжигчин Жем Йылмаз

 

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top