Коронавирусийн талаар ХУДАЛ МЭДЭЭЛЭЛ тараасан этгээдүүдийг баривчиллаа

Автор | Zindaa.mn
2020 оны 01 сарын 30

Малайзын цагдаагийн газар титэмт вирус буюу коронавирусийн талаар нийгэмд буруу ташаа мэдээлэл тарааж, олон нийтийг айдаст автуулсан дөрвөн этгээдийг баривчилжээ.

Дээрх дөрвөн этгээдийн нэг нь 49 настай чөлөөт сэтгүүлч, хоёр нь 25-30 насны эмийн сангийн жор баригч, нэг нь 24 настай оюутан байсан аж.

Малайзын Харилцаа холбооны зохицуулах хороо твиттер болон фейсбүүк орчинд хяналт тавьсны үр дүнд нэгдүгээр сарын 25-27-ны өдрүүдэд илт худал, ташаа мэдээлэл тараасан болохыг тогтоож хууль, хяналтын байгууллагад шилжүүлжээ.

Тус улсын хуулиар дээрх этгээд тус бүрд нь 12.3 мянган ам.долларын торгууль, эсвэл нэг жилийн хорих ял хүлээж байгаа юм.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Zochin (119.40.103.3)  2020 оны 01 сарын 30

Dainii xajuugaar dajin gej. Manaid bas iimerxrxuu olon niited buruu medeelel taraaj, tsaaguuraa biznesee demjix gesen uildel garaxiig uguisgexgui.

3  |  0
Top