Африкт коронавирусийн халдвар бүртгэгдлээ

Египет улсад шинэ төрлийн коронавирус буюу Covid-19-ийн халдварын тохиолдол бүртгэгдлээ. Энэ нь Африк тивийн анхны халдварт тохиолдол болж байгаа юм.

Египетийн Эрүүл мэндийн яамны мэдэгдэлд “Гадаадын иргэн халдварласан тохиолдол илэрсэн. Түүнийг эмнэлэгт хэвтүүлж, ДЭМБ-д яаралтай мэдэгдсэн” гэж дурдсан байна.

Халдвар авсан өвчтөн аль улсын иргэн болохыг мэдэгдсэнгүй.

Харин “el-Watan” сонин халдвар авсан хүн нь Хятадын иргэн, 40 настай гэж мэдээлжээ.