КОВИД-19: Жефф Безос 100 тэрбумтай ганц хүн боллоо

“Шинэ төрлийн коронавирусний нөлөөгөөр дэлхийн зах зээл уналтад ороод байна. Дэлхийн хамгийн баян 20 хүн нийт 80 тэрбум ам.долларын алдагдал хүлээлээ” гэж Forbes мэдээлжээ.

Хамгийн их хохирол амссан нь “Amazon”-ы үүсгэн байгуулагч Жефф Безос. Тэр найман тэрбум ам.доллар алдсан ч 100 тэрбумаас илүү хөрөнгөтэй цорын ганц хүн болсон байна. Безос 110 тэрбум ам.долларын хөрөнгөтэй нэгт бичигдэж байна.

“Microsoft”-ийн Билл Гейтс 5,3 тэрбум ам.доллар алдаж, 99.2 тэрбумтай үлдсэн бол 7.7 тэрбум ам.долларын хохирол хүлээсэн Louis Vuitton, Dior-ийн тэргүүн Бернар Арно 82.5 тэрбум ам.доллартайгаар дараалжээ.